Собранието на Република Македонија на првото продолжение на 60 -та седница,  одржано на  14 мај 2013 година,  со 58 гласови „за“ и 3 „против“,  го усвои Годишниот извештај за работата на Комисијата за заштита на правото за слободен пристап до информациите од јавен карактер во 2012 година. Притоа, во дискусијата  до институциите иматели на информации од јавен карактер беше упатено барање за уште поголема транспарентност и отчетност во духот на Законот, а до Комисијата беше упатен  апел за уште поофанзивна промоција, афирмација и приближување на уставно загарантираното  право до најбројната целна група- граѓаните.