Në kuadër të bashkëpunimit të realizuar të Komisionit për mbrojtjen e të drejtës për qasje të lirë në informacione me karakter publik me Misionin e OSBE në Shkup (aplikacioni projektues “Bashkëpunim trevjeçarë dhe aktivitete për Komisionin”), sot në hotelin Epinal në Manastir, u mbajt punëtori rajonale me temë: “E drejta e qasjes së lirë në informacione me karakter publik – përvoja të deritanishme nga zbatimi i Ligjit për qasje të lirë në informacione me karakter publik”. Në punëtori morën pjesë mbi tridhjetë persona zyrtar të rinj për ndërmjetësim me informacione me karakter publik të institucioneve shtetërore dhe pushteti gjyqësor, institucionet për arsim dhe shëndetësi, si dhe nga ndërmarrjet dhe entet publike nga Prilepi dhe Manastiri.

Fjalim përshëndetës për të pranishmit kishte Maja Llazarova, oficer nacional programor pranë Misionit të OSBE në Shkup, përderisa pjesën profesionale të punëtorisë e realizoi Cvetan Stanoeski, nga Sekretariati i Komisionit. Qëllimi i kësaj punëtorie ishte ngritja e vetëdijes publike dhe shkallës së njohjes së poseduesve të informacioneve me Ligjin për qasje të lirë në informacione me karakter publik, si dhe në obligimet të cilat për ata dalin nga ai, me theks të posaçëm në mënyrën e realizimit të të drejtës për qasje në informacione me karakter publik. Megjithatë, u arsyetuan procedura për kërkesë të informacioneve me karakter publik, procedura për ankesë dhe ndëshkuese, si dhe obligimi ligjor i poseduesve për përgatitjen e raporteve të tyre vjetore.