Veprimtaria themelore dhe kompetencat e klinikave, Spitaleve, Shtëpive shëndetësore dhe enteve tjera shëndetësore janë:
• kontrollet mjekësore dhe llojet e tjera të ndihmave mjekësore me qëllim për vërtetimin, përcjelljen dhe kontrollin e gjendjes shëndetësore;
• ndërmarrja e masave profesionale mjekësore, masa dhe procedura për përparimin e gjendjes shëndetësore, gjegjësisht ndalimin dhe zbulimin e hershëm të sëmundjeve dhe shkatërrimet apo prishjet tjera shëndetësore;
• dhënia e ndihmës së parë mjekësore;
• shërim në ordinancë, gjegjësisht në banesën e shfrytëzuesit;
• mbrojtje shëndetësore në lidhje me shtatzaninë dhe lindjen;
• zbatimin e masave preventive, terapeutike, rehabilituese;
• preventimin, shërimin dhe sanimin e sëmundjeve të gojës dhe dhëmbëve;
• barëra, materiale ndihmëse të cilat shërbejnë për zbatimin e barërave dhe materialit sanitar të nevojshëm për shërim sipas listës së barërave që e vërteton Ministria e shëndetësisë;
• edukim shëndetësor me punën sistematike me popullatën e shëndoshë dhe të sëmurë;
• hetimin dhe vërtetimin e sëmundjeve, lëndimeve dhe gjendjes shëndetësore të të siguruarve në mbrojtjen shëndetësore specialistiko – konsultative;
• zbatimin e proceseve të specializuara diagnostike, terapeutike dhe rehabilituese;
• proteza, ndihma ortopedike e të tjera, mjete ndihmëse dhe sanitare dhe mjete teknike për dhëmbë, të vërtetuara me akt të përgjithshëm të Ministrisë për shëndetësi;
• hetimin dhe vërtetimin e gjendjes shëndetësore, shërimit, rehabilitimit, kujdesit, vendosjen dhe ushqimin në kushte të spitalit.
