Drejtoria për mbrojtjen e të dhënave personale, si organ i pavarur shtetëror me veti të personit juridik është e themeluar për shkak të mbikqyrjes mbi ligjshmërinë e aktiviteteve të ndërmarura gjatë përpunimit të të dhënave personale dhe mbrojtjes së tyre në teritorin e Republikës së Maqedonisë. 
Drejtoria i ka kompetencat që vijojnë:

•    E vlerëson ligjshmërinë e përpunimit të të dhënave personale;
•    I shpall parimet e përpunimit të të dhënave personale dhe kujdeset për respektimin e tyre nga ana e kontrollorëve (është person fizik apo juridik, organ shtetëror apo trup tjetër, i cili është i pavarur apo së bashku me të tjerët i vërteton qëllimet dhe mënyrën e përpunimit të të dhënave personale);
•    Heton dhe ka qasje në të mbledhurat e të dhënave personale të formuara nga kontrollori;
•    I kontrollon operacionet për përpunim të të dhënave personale të cilat i zbatojnë kontrollorët;
•    Mbledh të dhëna të patjetërsueshme për kryerjen e drejtë të punëve të sajë;
•    Udhëheq Regjistër qendror;
•    Bën evidentim për pranim të kryer të të dhënave personale në shtete tjera;
•    Pranon raporte apo memorandume në lidhje me përpunimin e të dhënave personale nga ana e kontrollorit;
•    Vepron me memorandumet e personave apo shoqatave të cilët e paraqesin atë person në lidhje me lëndimin e të drejtës së tij në shikim të përpunimit të të dhënave personale;
•    Personave të interesuar u jep ndihmë në përpunimin e të dhënave personale;
•    I kontrollon të gjitha rastet në ndalimin e përpunimit të të dhënave personale pa marrë parasysh se kush i ka nxitur;
•    Intervenon në procesin e përpunimit të të dhënave personale, si dhe gjatë arkivimit, shlyerjes apo asgjësimit të mbledhjes së formuar të të dhënave personale në përgjithësi apo në një pjesë të saj nëse ekziston rrezik i arsyetuar nga lëndimi i një apo më shumë subjekteve të të dhënave personale, duke e vlerësuar llojin e të të dhënave personale apo modaliteteve në përpunimin e tyre;
•    Kontrollorit i jep ndalesë nëpërpunimin e mëtejmë të të dhënave personale;
•    Kontrollorëve u jep mendime për aktet nënligjore;
•    Vërteton se aktet nënligjore të kontrollorit janë në pajtueshmëri me Ligjin për mbrojtjen e të dhënave personale;
•    Vepron me kërkesën e organit mbikqyrës të shtetit tjetër, për zbatimin e kompetencave të sajë në territorin e Republikës së Maqedonisë;
•    Realizon bashkëpunim ndërkombëtarë në lëminë e mbrojtjes të të dhënave personale dhe merr pjesë në punën e organizatave dhe institucioneve ndërkombëtare të kyçura në mbrojtjen e të dhënave personale;

Informacione më të hollësishme mund të merrni në telefonat:
02 3244-760 dhe 02 3244-766